Сирдарё вилоятнинг 3644 нафар фермер хўжалиги ғаллакорлари 86,5 минг гектар майдонга экилган ғаллани 25 иш кунида йиғиштириб олди. Бу ҳақда ЎзА хабар берди.
Сирдарёлик фермерларнинг янги замонавий ўрим комбайнлари ҳамда Қорақалпоғистон Республикаси ва Хоразм вилоятидан ёрдамга келган ўрим комбайнлари томонидан ўрилган ғалла вилоятнинг шартномавий режасини бажаришга катта ҳисса қўшди.
Вилоят миришкорлари томонидан оғир иқлим ва ер шароити бўлишига қарамасдан белгиланган режа бажарилиб, вилоят қишлоқ хўжалиги тарихида биринчи маротаба ўртача 50 центнердан ҳосилдорликка эришилди.
Шартнома режасининг қисқа кунларда бажарилишида Ховос, Сайхунобод, Боёвут ва Сирдарё туманларининг омилкор деҳқон ва фермерлари биринчилардан бўлиб жонбозлик кўрсатгани муҳим омил бўлди.
Изоҳ (0)