Тошкентда Nokia 1 смартфони 800 минг сўмдан сотувга чиқди

Ўзбекистонда Nokia бренди остидаги энг арзон смартфон — Nokia 1 модели сотила бошлади, деб ёзади «Mobinfo.uz».

У Android операцион тизимининг 1 Гб ёки ундан камроқ тезкор хотирага эга қурилмалар учун мослаштирилган махсус версияси — Android Oreo Go edition’да ишлайди. Бундан ташқари, смартфон ёрқин ранглардаги поликарбонатдан қилинган Xpress-on кўчма орқа панеллардан фойдаланиш имконини беради.

Nokia 1 4,5 дюймли ва 854×480 пикселли IPS-дисплей, 2 ва 5 мегапикселли камералар, 4 ядроли MediaTek MT6737М процессори, 1 Гб тезкор ва 8 Гб ички хотира (+microSD), 2150 мА/соат сиғимли аккумулятор билан жиҳозланган.

Тошкентнинг «Малика» савдо марказида Nokia 1 смартфони 800 минг сўмдан сотилмоқда.

Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.