O‘zbekistonda Nokia brendi ostidagi eng arzon smartfon — Nokia 1 modeli sotila boshladi, deb yozadi “Mobinfo.uz”.
U Android operatsion tizimining 1 Gb yoki undan kamroq tezkor xotiraga ega qurilmalar uchun moslashtirilgan maxsus versiyasi — Android Oreo Go edition’da ishlaydi. Bundan tashqari, smartfon yorqin ranglardagi polikarbonatdan qilingan Xpress-on ko‘chma orqa panellardan foydalanish imkonini beradi.
Nokia 1 4,5 dyuymli va 854×480 pikselli IPS-displey, 2 va 5 megapikselli kameralar, 4 yadroli MediaTek MT6737M protsessori, 1 Gb tezkor va 8 Gb ichki xotira (+microSD), 2150 mA/soat sig‘imli akkumulyator bilan jihozlangan.
Toshkentning “Malika” savdo markazida Nokia 1 smartfoni 800 ming so‘mdan sotilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)