Тошкентда Xiaomi Mi Mix 2S смартфони сотувга чиқди

Ўзбекистондаги савдо расталарида Xiaomi компаниясининг янги Mi Mix 2S модели сотувга чиқди, деб хабар беради «Мобинфо».

Mi Mix 2S флагмани ўзининг ташқи кўриниши билан Mi Mix 2’дан деярли фарқ қилмайди, бироқ у симсиз қувватлантириш имконини берувчи Qi функцияси ҳамда қўшимча реаллик элементларига эга АРCore дастурини яратиш платформаси билан таъминланган.

Бундан ташқари ҳошиясиз Mi Mix 2S смартфони 6 дюймли экранга, Qualcomm Snapdragon 845 процессори ҳамда Adreno 630 видеотезлаштиргичига эга. Тезкор хотираси 6 гигабайтни, ички хотираси эса 128 гигабайтни ташкил этади.

Шу билан бирга Мих 2С’га iPhone X билан рақобатлаша оладиган 12 мегапикселли иккиталик камера ўрнатилган. Смартфон Android 8.0 Oreo операцион тизими осида ишлайди.

Xiaomi Mi Mix 2S Тошкентдаги савдо расталарида 4 640 000 сўмдан сотилмоқда.

Номи келтирилган қурилмани кўрсатилган нархда сотиб олишга «Дарё» нашри кафолат бермайди. Қурилмалар ва уларнинг нархлари ҳақидаги ахборот фақат танишиш учун тақдим этилган.