Ўзбекистонда Huawei компаниясининг Y6 Prime 2018 смартфони сотила бошлади, деб ёзади «Mobinfo.uz». Қурилма ромсиз дизайнда яратилган. Асосий камера қўш камерага ўхшатиб ясалган, аммо аслида унда битта модуль бор. Бармоқ изи сканери орқа панелда жойлашган, бироқ смартфонда юзга қараб блокдан чиқариш функцияси ҳам кўзда тутилган.
Huawei Y6 Prime (2018) 5,7 дюймли ва 720×1440 пикселли HD+ дисплей, 13 мегапикселли асосий ва 8 мегапикселли олд камера, Qualcomm Snapdragon 425 процессори, 2 Гб тезкор ва 16 Гб ички хотира (+microSD), 3000 мА/соат сиғимли батарея билан жиҳозланган. Қурилма EMUI 8.0 интерфейсли Android 8.0 Oreo операцион тизимида ишлайди.
Тошкентдаги «Малика» савдо марказида смартфон 1 280 000 сўмдан сотилмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)