Перуда бутпарастлик маросимлари чоғида қурбон қилинган болаларнинг 56 та скелети топилди, деб ёзади «РИА Новости». Шунингдек, Ла-Либертад ҳудудидаги Трухильо провинциясида болаларнинг жасадларидан ташқари, қурбонликка келтирилган 30 та лама боласининг скелети ҳам аниқланган.
Археологларга кўра, суякларнинг энг қадимийлари қарийб 600 йил илгарига бориб тақалади. Болалар табиий офатлар олдини олишга уриниш мақсадида бутпарастлик худоларига қурбонлик келтирилган.
Олимлар эслатишича, Перу яқинида Эль-Ниньо феномени фаол бўлиб, у Тинч океанининг экваториал қисмида сувнинг устки қатлами ҳароратининг Цельсий бўйича 0,5 даражага аномал тарзда кўтарилиши билан тавсифланади. Бу феномен қуруқликда ҳалокатли селлар ва сув тошқинларига сабаб бўлиши аниқланган.
Изоҳ (0)