Канадада камёб ҳолат — уч эгиз буғуларни кўриб қолишди (фото ва видео)

Канаданинг Альберта провинциясида яшовчи аёл ўз уйи яқинида уч боласи билан юрган буғуни кўриб қолди, деб ёзади National Geographic.

Биологлар аниқлик киритишича, бундай ҳолат камёб бўлиб, ёввойи табиатда буғулар одатда битта фарзанд кўради. Қари урғочилар, шунингдек, жуда яхши озиқланадиганлари эгизак бола туғиши мумкин, аммо буғуларнинг бир йўла уч болали бўлган ҳолати деярли маълум эмас. Шу пайтгача фақат битта бундай мисол қайд этилган: бир неча йил аввал Мичиган штатининг Айл-Ройял миллий боғида уч эгиз буғучалар туғилган эди.

Канадалик аёл қайд этган видеоёзувни изоҳлар экан, мутахассислар буғучаларнинг ҳаммаси бир вақтда туғилган ёки йўқлигини аниқ айта олмаяпти: баъзан буғулар онаси хасталаниб қолган ёки вафот этган буғучаларни «асраб олади». Аммо бу буғучалар катталиги ва ёшига кўра бир хил кўринишга эга, бу эса уларнинг қариндошлик алоқалари борлигини тахмин қилиш имконини беради.

https://www.facebook.com/randi.темпле/видеос/10160327532885034/?т=0