Huawei компанияси томонидан тақдим этилган P20 смартфони Ўзбекистон бозорларида ҳам сотила бошланди. Смартфон ташқи кўриниши билан iPhone X’ни ёдга солади, деб хабар берди «Mobinfo».
Мазкур смартфонга иккиталик Leica камераси ўрнатилган бўлиб, у 12 мегапикселли рангли модул ва 20 мегапикселли монохром модулдан иборат. Selfи учун эса 24 мегапикселли фронтал камера ўрнатилган. Қурилма Huawei — Kirin 970 процессорида ишлайди.
Сматртфоннинг тезкор хотираси 4 гигабайтни ва ички хотираси эса 128 гигабайтни ташкил этади, шу сабабли унга microSD ўрнатиб бўлмайди. Аппаратга иккита SIM-карта жойлаштириш мумкин, жумладан, алоқа LTE стандарти асосида ишлайди.
Смартфоннинг бошқа ўзига хос жиҳатларидан яна бири — унга 5,8 дюймли дисплей ва сиғими 3400 мА/соатга тенг аккумулятор ўрнатилган. Айни вақтда Huawei P20 смартфони Тошкентдаги савдо марказларида 5 103 000 сўмдан таклиф этилмоқда.
Изоҳ (0)