Тошкент шаҳрининг Сергели тумани халқ таълими бўлими ходими фирибгарлик йўли билан пора олаётганда ушланди. Бу ҳақда ИИВ жамоатчилик ва ОАВ билан алоқалар бошқармаси маълум қилди.
Жорий йил 29 май куни ИИВга мурожаат қилган фуқаро аризаси юзасидан вазирлик Жиноят қидирув бош бошқармаси ҳамда Тошкент шаҳар прокуратураси ходимлари ҳамкорлигида тезкор тадбир ўтказилди.
Унда Сергели тумани халқ таълими бўлими ходими М.Б. тадбиркорлик фаолияти билан шуғулланувчи фуқародан ўзи масъул бўлган туман ҳудудидан жами 120 миллион сўмлик капитал таъмирлаш иш ҳажмини ҳал қилиб бериш эвазига 400 доллар пул олган вақтда далилий ашёлар билан ушланди.
Мазкур ҳолат юзасидан Жиноят кодексининг 168 ва 28, 211-моддалари билан жиноят иши қўзғатилиб, тергов ҳаракатлари олиб борилмоқда.
Изоҳ (0)