Ўтган ҳафтадан Тошкент шаҳрида боди-камераси (body camera) бор йўл-патруль хизмати ходимлари пайдо бўлди. Бу янгилик ҳозирча синовдан ўтказилмоқда. Агар тест жараёни ўйланганидан муваффақиятли чиқса, сентябрь ойидан бошлаб барча ЙПХ ходимларини боди-камералар билан таъминлашга киришилади. Бу ҳақда Тошкент шаҳар ИИББда 2 июнь куни бўлиб ўтган брифинг чоғида маълум қилинди.
Ўз навбатида бир гуруҳ одамлар орасида «боди-камераси йўқ ЙПХ ходими — ноқонуний», «боди-камеранг бўлмаса, сен ЙПХ ходими билан гаплашмайман», деб фикрловчилар пайдо бўлган. Буни ҳозирги вақтда ижтимоий тармоқларни диққат билан кузатиб бораётган Тошкент шаҳар ИИББдагилар ҳам пайқашган.
Тошкент шаҳар ИИББ вакиллари алоҳида қайд этиб ўтди — боди-камералар ҳозирча синовдан ўтказилмоқда; ЙПХ ходимида боди-камера бўлиши шарт деган расмий норма ҳозирча қонунчиликка киритилмаган.
Изоҳ (0)