Украина махсус хизматлари томонидан россиялик журналист Аркадий Бабченко ўлдирилишининг саҳналаштирилиши ҳуқуқ-тартибот органларига нафақат унинг ҳаётини сақлаб қолиш, балки «Россия махсус хизматларининг потенциал қурбонлари» бўлган 30 кишининг исмлари рўйхатини қўлга киритиш имконини берди. Бу ҳақда 1 июнь, жума куни Украина бош прокурори Юрий Луценко Bild газетасига маълум қилди, деб ёзади «Европейская правда».
«Бу сохта янгиликлар эмас, махсус операция эди. Унинг ёрдамида биз журналистнинг ҳаётини қутқариб қолдик. Бу Украина қонунчилигига тўлиқ мувофиқ эди», — дея ишонтиради Луценко.
У Украина махсус хизматлари Россия томони ўлдирилишини буюртма қилган 30 кишилик рўйхат мавжудлиги ҳақидаги далилларга эга бўлганлигини қўшимча қилди.
«Махсус операция туфайли (Бабченко ўлдирилганлигини саҳналаштириш орқали) кўплаб кишиларнинг ҳаётини сақлаб қолишга эришдик», — дея таъкидлади Украина бош прокурори.
Изоҳ (0)