Германиянинг жануби-ғарбидаги Рейнланд-Пфалац ерида ҳайвонот боғидан бирданига бир нечта ҳайвон — иккита шер, иккита йўлбарс ва ягуар қочиб кетган. Маҳаллий ОАВ маълумотига кўра, улар билан бирга айиқ ҳам қочган, бироқ у қўриқчилар томонидан отилган. Боғ маъмурияти ҳайвонлар қочганини тасдиқлаган. Бу ҳақда TJournal хабар берди.
Полиция қўриқчилар билан бирга ҳайвонларни боққа қайтарган. Деворлар тикланган ва қафаслар қайта ёпилган.
Қидирув ишлари Люнебах шаҳрига яқин туманларда олиб борилган, маҳаллий аҳолидан уйда қолиш сўралган. Қидирувга боғ қўриқчилари ва қарийб бутун маҳаллий полиция жалб қилинган. 30 гектарни эгаллайдиган ҳайвонот боғида тахминан 400 та ҳайвон яшайди.
Журналистлар фикрига кўра, хавфсизлик билан боғлиқ муаммолар 31 майда бошланган ёғингарчиликлар оқибатида юзага келган. Шаҳарда сув тошқинлари юз бергани сабабли ҳайвонларнинг қафаслари қисман бузилган.
Изоҳ (0)