Россия Тергов қўмитаси раҳбари Александр Бастрикин Instagram ижтимоий тармоғини ёпиш зарурлигини, чунки «Лелинградда унинг ёрдамида теракт амалга оширилгани»ни маълум қилди. Бу ҳақда у болалар ҳуқуқларини ҳимоя қилишга бағишланган съезд вақтида сўзлади, деб хабар беради Meduza.
«Биз сайтлар ва дастурларни ёпиб қўйишнинг узоқ муддатли расмиятчилигини қисқартирайлик деймиз. Аммо биз буни йиллаб чўзиб юрамиз. Айни вақтда менга маълум қилишларича, Instagram давлат устидан судга шикоят тайёрламоқда экан. Бу вазиятнинг мутлақ изидан чиқиб кетишидир», — дейди Тергов қўмитаси раҳбари.
Маълумотларга кўра, Бастрикин хато сўзлаб юборган, чунки Тергов қўмитасининг мазкур тадбир борасидаги ҳисоботида «гап Telegram мессенжери ҳақида кетган».
«Туркияда болалар билан ишлаш учун Яндех, Google билан бир қаторда ўзларининг ахборот тизими ҳам мавжуд. Биз эса ҳатто Instagram’ни ёпа олмаяпмиз. Аслида эса Instagram’ни ёпишимиз керак, чунки ўтган йили Ленинградда содир бўлган теракт айнан Instagram ёрдамида амалга оширилган», — дея сўзлаган Бастиркин.
Эслатиб ўтамиз, апрель ойида Москванинг Таганск туман суди «Роскомнадзор»нинг Telegram мессенжерини блоклаш ҳақидаги талабини қаноатлантирган эди.
Изоҳ (0)