Жанубий Корея президенти КХДР ва АҚШ етакчиларининг Сингапурдаги учрашувига келиб қўшилиши мумкин, деб ёзади «Коммерсантъ».
«Рёнхап» агентлиги Жанубий Корея ҳукуматидаги юқори мансабли манбасига таяниб маълум қилишича, Мун Чже Ин КХДР етакчиси Ким Чен Ин билан суҳбатдан кейин, АҚШ, КХДР ва Жанубий Корея ўртасида юқори даражада уч томонлама учрашув ўтказилишига умид билдирган.
Манбанинг таъкидлашича, Дональд Трампнинг Ким Чен Ин билан саммити ҳақидаги муҳокамалар ҳали давом этмоқда ва Жанубий Корея «музокаралар нима билан якун топишини кутмоқда».
Эслатиб ўтамиз, КХДР делегацияси Пекинга етиб келди, у ердан АҚШ президенти Дональд Трамп ва Шимолий Корея етакчиси Ким Чен Иннинг учрашувига тайёргарлик кўриш учун Сингапурга йўл олади.
Изоҳ (0)