Бразилия президенти Мишель Темер узоққа қатновчи юк машиналари ҳайдовчилари иш ташлаётган бир пайтда дизель ёқилғиси нархини 0,46 реал (0,13 доллар)га пасайтирди, деб ёзади «РБК».
У кўрилган чора намойишчиларнинг талабларига мувофиқ келишини айтди. Ушбу нарх 60 кун мобайнида амалда бўлади, сўнг дизель нархи ҳар икки ойда бир марта тўғрилаб турилади.
Бундан ташқари, Бразилия президенти сўзларига кўра, бутун мамлакат бўйлаб федерал ва ҳудудий йўллардан юрганлик учун солиқ ундириш вақтинчалик тўхтатилади.
Бразилияда 21 май куни дизель ёқилғиси қимматлашиши туфайли ҳайдовчиларнинг норозилик акцияси бошланган эди. Норозилик белгиси сифатида улар мамлакатнинг энг йирик шаҳарларига олиб борувчи трассаларни юк машиналари билан тўсиб қўйди.
Изоҳ (0)