Ўзбекистонда тегишли лицензия олмасдан туриб «Яндекс.Такси» фойдаланувчиларини ташиш билан шуғулланган 26 нафар ҳайдовчи аниқлангани юзасидан ташкилотнинг халқаро стратегия бўйича директори Арам Саргсян ўз фикрини маълум қилди. Бу ҳақда UzNews хабар бермоқда.
«Яндекс.Такси» – бу маҳаллий фойдаланувчиларни маҳаллий такси парклари билан боғлаш учун хизмат қиладиган мобил дастур. Биз йўловчи ташувчи ташкилот эмасмиз, бизда машина ва ҳайдовчилар йўқ. Биз фақат маҳаллий юридик шахслар – такси парклари ва диспетчерлар билан ишлаймиз. Шунинг учун, лицензия бериш, ҳайдовчиларни текшириш ва бошқа шу каби масалалар бўйича масъулият йўловчи ташийдиган ташкилотларнинг зиммасидадир.
Лицензиясиз фаолият юритган 26 та ҳайдовчи ҳақидаги хабарни биз на рад этишимиз, на тасдиқлашимиз мумкин, негаки биз бевосита ҳайдовчиларнинг ўзи билан ишламаймиз. Бироқ шартномада ҳамкорларимиз Ўзбекистон Республикаси қонунчилигига риоя қилиш мажбуриятини бўйнига олган. Агар биз бирор қонунбузарлик ҳақида хабар топсак, ҳамкордан вазиятга ойдинлик киритишни сўраймиз.
Қўшимча сифатида айтаманки, биз Ўзбекистоннинг маҳаллий ва давлат органлари билан доимий алоқадамиз ва мамлакатда такси бозорини қонунийлаштириш масалалари устида биргаликда иш олиб борамиз».
Эслатиб ўтамиз, Ўзбекистон автомобиль транспорти агентлиги тегишли лицензия олмасдан туриб «Яндекс.Такси» фойдаланувчиларини ташиш билан шуғулланган 26 нафар ҳайдовчини аниқлаган.
Изоҳ (0)