Халқ депутатлари Навоий шаҳар кенгашининг навбатдан ташқари сессияси бўлиб ўтди. Бу ҳақда вилоят ҳокимлиги ахборот хизмати хабар берди.
Сессияда ташкилий масала кўриб чиқилди. Навоий шаҳар ҳокими вазифасида ишлаб келган Умарбек Халилов Бош прокуратура ҳузуридаги Aгросаноат мажмуи ва озиқ-овқат хавфсизлиги таъминланиши устидан назорат қилиш инспекцияси раҳбари лавозимини эгаллагани муносабати билан унинг ўрнига Муҳиддин Бозоров Навоий шаҳар ҳокими этиб тайинланди.
У 2013 йил август ойидан буён Зарафшон шаҳар ҳокими вазифасида ишлаб келаётганди.
Халқ депутатлари Зарафшон шаҳар кенгашининг ҳам навбатдан ташқари сессияси бўлиб ўтди. Сессияда ташкилий масала кўрилди.
2017 йил март ойидан буён Навоий шаҳар ҳокимининг иқтисодиёт ва тадбиркорлик масалалари бўйича биринчи ўринбосари лавозимида ишлаб келган Анвар Ражабов Зарафшон шаҳар ҳокими этиб тайинланди.
Изоҳ (0)