Фарғона ислом ҳуқуқи мактабида вилоятдаги 198 та расмий масжид имом-хатиблари ва имом-ноиблари учун ўқув семинари ўтказилди. Унда Ўзбекистон мусулмонлари идораси раиси ўринбосари шайх Абдулазиз Мансур, Юнусобод тумани бош имом-хатиби Раҳматуллоҳ қори Сайфутдинов ва бошқа таниқли уламолар қатнашди. Бу ҳақда «Дарё» мухбири Азизжон Эрматов хабар берди.
Семинарда имом-хатибларнинг дин борасидаги саволларга аниқ ва равшан, Қуръон оятлари ва ҳадислар асосида жавоб бериш борасидаги билим ва кўникмалари оширилди.
«Ақоид илми ва унга оид масалалар», «Усули фиқҳ: шаръий далиллардан амалий ҳукмларни чиқаришдаги ўзига хос қонун ва қоидалар», «Ислом динида жиҳод, ҳижрат, такфир, халифалик масалалари, бу борадаги сохта даъволарга раддиялар», «Марказий Осиёдаги тасаввуф ва тариқат йўналишлари», «Ислом динида мў’тадиллик: одамлар муаммоларини ҳал этиш, уларга яхшилик қилиш ҳам ибодатдир», «Ақидада адашган айрим оқимлар хусусида» каби мавзуларда маърузалар тингланди.
Изоҳ (0)