Бразилияда қотиллиги учун жазосини ўтаётган Жадсон Евангелиста қамоқдан қочишга уринди. Бу ҳақда «Корреспондент.net» хабар бермоқда.
Эркак камерадаги ҳожатхонадан бир неча ой ичида 70 метрли тоннель қазиди. Бироқ юзага — ўрмонга чиқишига атиги бир метр қолганда кислород етишмаслигидан бўғилиб, тоннелнинг ўзида ўлиб қолди.
Жадсоннинг оёғига кийимлари солинган қоп боғланган бўлгани билдирилмоқда.
Полиция унинг жасадини топиб, ташқарига олиб чиққанидан сўнг ер ости йўлига бетон қуйилди.
Изоҳ (0)