Қуйи Чирчиқда ўзбошимчалик билан 6,5 гектар пахта майдонини ҳайдаб ташлаган фермерга нисбатан жиноят иши қўзғатилди

Тошкент вилояти прокуратура органлари Қуйи Чирчиқ туманидаги «Умархон Юсуфхон Агро Люкс» фермер хўжалиги раҳбари Сайдуллаев Х. ўзбошимчалик билан 6,5 гектар пахта майдонини ҳайдаб ташлаб, бу ерда бошқа қишлоқ хўжалиги маҳулотларнини етиштиришга қарор қилгани аниқланди. Бу ҳақда идора матбуот хизматига таяниб, «Новости Узбекистана» хабар берди.

Шунингдек, аниқланишича, «Рустам И.» чорвачилик хўжалиги раҳбари Шарапов Р. ем-хашак маҳсулотларини етиштириш учун ажратилган 23 гектар ерни ёлғон йўли билан фуқароларга сотиб юборган.

Бундан ташқари, текширувлар шуни кўрсатдики, «Маҳкам Агро Файз» фермер хўжалиги раҳбари Иброҳимов М. ноқонуний равишда пахта экишга мўлжалланган 9 гектар ерни сотиб юборган. Шу билан бирга, у ер учун 9 миллион сўм тўлаган харидорни мазкур ҳудуд мева ва сабзавотларни етиштириш учун ажратилганига ишонтирган.

Прокуратура далилларига асосан Жиноят Кодексининг тегишли моддалари билан жиноий иш қўзғатилган ва тергов ҳаракатлари олиб борилмоқда.