Жорий йилнинг 20 май куни «Ўзбекистон ҳаво йўллари» Миллий авиакомпанияси янги Boeing-787 Dreamliner’да «Тошкент—Москва—Тошкент» йўналиши бўйича биринчи парвозни амалга оширди. Бу ҳақда МАК матбуот хизмати хабар берди.
Тошкентдан «орзу лайнери»да 244 нафар йўловчи парвоз қилиб, қайтишда 259 нафар йўловчи учиб келган.
«Ўзбекистон ҳаво йўллари» МАК 2016 йил сентябрь ойидан Boeing-787 Dreamliner самолётининг тижорий эксплуатациясини бошлаган. Бугунги кунда ушбу русумдаги иккита лайнерда Дубай, Истанбул, Тель-Авив, Сеул, Франкфурт, Москва, Куала-Лумпур, Сингапур ва Нью-Йоркка қатновлар амалга оширилмоқда.
Яқин кунларда «Ўзбекистон ҳаво йўллари» Миллий авиакомпаниясининг учинчи Dreamliner’и ҳам узоқ масофаларга трансатлантик қатновларни бажариши режалаштирилмоқда.
Изоҳ (0)