Ўзбекистонга McDonald’s, Starbucks ва Burger King’ни таклиф этишга қарор қилинди. Бу Вазирлар Маҳкамасининг «‘Чорвоқ’ эркин туристик зонасини (ЭTЗ) ташкил этиш чора-тадбирлари тўғрисида»ги қарорида назарда тутилган, деб хабар беради Spot.
Ҳужжатда таъкидланишича, Тошкент вилоятида туризм учун ажойиб табиий шароитлар мавжуд, жумладан, Чорвоқ сув омбори. Кичик инфратузилма мавжудлигига қарамасдан, бу ер чет эллик сайёҳларнинг халқаро сўровлари ва талабларига жавоб бермайди.
Шу сабабли «Чорвоқ» эркин туристик зонасини янада ривожлантириш бўйича чора-тадбирлар режаси тасдиқланди. Режа бандларидан бирида мамлакатда овқатланиш соҳасидаги жаҳон брендларини таклиф этиш назарда турилган.
Хусусан, 2019 йилнинг январига қадар эркин туристик зона ҳудудида жаҳон талаб ва стандартларига жавоб берадиган овқатланиш борасидаги McDonald’s, Starbucks, Burger King ва KFC каби халқаро брендлар тармоқларини яратиш масалалари кўриб чиқилиши керак.
Бунга ЭTЗ дирекцияси, Давлат туризм қўмитаси ва Тошкент вилояти ҳокимияти масъул этиб тайинланди.
Изоҳ (0)