Хоразм вилоятида газдан асоссиз равишда салкам 2 миллион сўм қарз қилиб қўйилган фуқаронинг ҳуқуқлари тикланди. Бу ҳақда ЎзА хабар бермоқда.
Хоразм вилояти Урганч туман Чаккашоликор қишлоғида яшовчи фуқаро Умида Ортиқова барча тўловларни ўз вақтида тўлаб келади. Аммо «Урганчтумангаз» таъминоти ходимлари томонидан гтштп хонадонига ортиқча 7876 метр куб кўрсаткич юклатилган ва бундан асоссиз 1 миллион 989 минг 283 сўм қарздорлик ва унга 187 000 сўм пеня ҳисоблангани ҳақидаги хабардан сўнг, у бу масалага ечим топиш мақсадида кўплаб ташкилотларга мурожаат қилиб кўрди. Улардан ҳеч наф бўлмагач, Ўзбекистон истеъмолчилар ҳуқуқларини ҳимоя қилиш жамиятлари федерациясининг туман бўлимига ҳуқуқларини ҳимоя қилишни сўраб мурожаат қилган.
Олиб борилган суриштирувларда туман Мажбурий ижро бюроси мутахассислари ҳам иштирок этди. Ўрганишлар натижасида маълум бўлишича, фуқарога нисбатан асоссиз қарздорлик кўрсатилган. Қайта ҳисоб-китоблардан сўнг, фуқаронинг ҳуқуқлари тикланди.
Изоҳ (0)