20 апрель куни Республика ишчи гуруҳи Қўқонда ойига 168 минг сўм нафақа эвазига кун кечираётган аёлнинг шароитини ўргангани ҳақида хабар чоп этилган эди.
Бюджетдан ташқари пенсия жамғармаси Қўқон шаҳридаги Шиғовул кўчаси, 11-уйда яшовчи Маъмурахон Баратованинг хонадонига бориб ўрганиш ўтказилди.
«Фуқароларнинг давлат пенсия таъминоти тоғрисида»ги қонунининг 7-моддасида умумий асосда пенсия тайинлаш учун 20 йил стаж талаб қилинса-да, фуқаро Маъмурахон Баратованинг иш стажи 8 йил, 11 ойни ташкил этган.
Фуқарога Қонуннинг 8-моддасига асосан мавжуд стажига мутаносиб равишда пенсия ҳисобланганида энг кам пенсия миқдорининг 50 фоизидан кам бўлганлиги сабабли қонуннинг 29-моддаси асосида 77 835 сўм (энг кам пенсия миқдорининг 50 фоизи) пенсия мурожаат қилган кунидан тайинланган ва ҳозирги кунда 168 440 сўм пенсия тўлаб келинмоқда.
Пенсия жамғармаси ходимлари фуқаро Мамурахон Баратова билан суҳбатлашганда пенсия тайинланиши ва миқдори бўйича эътирози йўқлигини билдирган.
Изоҳ (0)