Тошкент шаҳар ИИББ Жиноят-қидирув бошқармаси ходимлари пора эвазига автомобиль таклиф қилган шахсни қўлга олиш бойича операция ўтказди, дея хабар бермоқда бош бошқарма матбуот хизмати.
Тошкент шаҳар ИИББ Жиноят-қидирув бошқармаси Иқтисодий хавфсизлик ва коррупцияга қарши курашиш бўлими ходимлари томонидан қўлга киритилган маълумотга кўра, Тошкент шаҳрида истиқомат қилувчи икки шахс Nexia-3 русумли автомобилни 3 минг доллар устама ҳақи эвазига харидорга қисқа муддатда етказиб беришни таклиф қилгани маълум бўлган.
«Улардан бири бевосита шу соҳага алоқадор шахс эканлиги аниқланган», — дейилади ИИББ ахборотида.
Олиб борилган тезкор тадбир натижасида талаб қилинган суммани олаётган вақтда ижтимоий фондлардан бирининг ишчиси, 63 ёшли фуқаро ва унинг шериги — «Uzavtotexxizmat» компанияси автосалонларидан бирининг директори қўлга олинган.
Хабар беришларича, мазкур ҳолат бўйича Жиноят кодексининг 168-моддаси 2-қисми («Фирибгарлик») ва 211-моддаси 2-қисми («Пора бериш») бўйича жиноят иши қўзғатилган.
Изоҳ (0)