Шавкат Мирзиёев Андижон тумани Хортум қишлоғидаги Zamin Bio Health МЧЖ фармацевтика корхонасига ташриф буюрди. Мазкур завод йилига 10 миллион флакон инсулин ишлаб чиқариш қувватига эга, деб хабар берди Президент матбуот хизмати.
Қандли диабет касаллигини даволашда қўлланиладиган бу дори воситаси Ўзбекистонга четдан келтирилади. Заводнинг ишга туширилиши билан ушбу дори воситаси импорти ҳажми камаяди, валюта тежалади. Энг муҳими, мазкур дорининг нархи пасаяди.
Масалан, ҳозирги пайтда бир флакон инсулиннинг бозор нархи 36 минг сўм бўлса, мазкур корхона бу дорини 20 минг сўмдан етказиб бериши мумкин.
«Бу жуда долзарб ижтимоий аҳамиятга эга масала. Инсулинга эҳтиёжи бор бемор дори тополмаса, ҳаёти хавф остида қолади, ҳеч қачон рози бўлмайди. Бундай дориларнинг нархини пасайтириш, ҳамма жойга вақтида етказиб туриш керак. Одамлар шуни сезсин», — деди Шавкат Мирзиёев.
Ўзбекистон Президенти маҳаллий ишлаб чиқарувчилар бозорга кириб, рақобатбардош бўлгунча уларни давлат томонидан қўллаб-қувватлаш, дори субстанцияларини рўйхатдан ўтказишда кўмаклашиш бўйича топшириқлар берди.
Изоҳ (0)