Каталониянинг «Барселона» жамоаси ЖАРнинг собиқ президенти Нельсон Манделанинг 100 йиллиги муносабати билан «Мамелоди Сандаунс» клубига қарши ўртоқлик учрашувида майдонга тушди. Йоханнесбургда кечган баҳсда «Барселона» 3:1 ҳисобида ғалабага эришди.
Каталонияликлар сафида Усмон Дембеле, Луис Суарес ва Андре Гомеш гол уришга эришган бўлса, Жанубий африкаликлар ягона голи Сибусисо Вилакази ҳисобига ёзилди.
«Барселона» жорий мавсумда муддатидан олдин Испания чемпионлигини, шунингдек, Испания кубогини ҳам қўлга киритди. «Мамелоди Сандаунс» ЖАР чемпионатида ғолиб чиққан.
Маълумот учун Нельсон Мандела 1918 йилнинг 18 июлда таваллуд топган. 1994 йилнинг 10 майидан 1999 йилнинг 14 июнига қадар ЖАРда президент бўлган. Мандела 2013 йилнинг 5 декабрида вафот этган.
Ўртоқлик учрашуви
16 май, чоршанба
«Мамелоди Сандаунз» – «Барселона» 1:3
Голлар: 0:1 – 3 Дембеле, 0:2 – 19 Суарес, 0:3 – 67 Андре Гомеш, 1:3 – 76 Вилакази.«Мамелоди Сандаунс»: Оньянго (Мвине, 66), Лангерман, Сумаоро (Мадиша, 62), Нгонга (Морена, 90), Арендсе, Зване (Лебесе, 90), Мабунда (Мохоми, 90), Биллиат (Маньиса, 77), Кекана (Сирино, 77), Тау (Брокки, 90), Вилакази.
«Барселона»: тер Стеген (Силлессен, 46), Нелсон Семеду (Сержи Роберто, 46), Мина (Руис де Галаррета, 46; Месси, 74), Динь (Альба, 46), Иньеста (Андре Гомеш, 46), Бускетс (Пике, 46), Аленья (Куэнка, 46), Денис Суарес (Коутиньо, 46), Ракитич (Паулиньо, 46), Дембеле (Алеиш Видаль, 46), Суарес (Пако Алькасер, 46).
Изоҳ (0)