Ўзбекистон Республикаси Миллий гвардия тасарруфидаги ўрта мактабларда узлуксиз ҳарбий таълим ва ватанпарварлик тарбиясини самарадорлигини ошириш мақсадида Миллий гвардиянинг Нукус шаҳрида жойлашган ҳарбий қисм ҳарбий хизматчилари Тўрткўл туманидаги 18-ихтисослаштирилган ўрта умумтаълим мактабига ташрифи амалга оширилди, деб хабар беради гвардия матбуот хизмати.
Дастлаб ўқувчи-ёшлар билан Ўзбекистон равнақи йўлида жасорат ва қаҳрамонлик кўрсатган фахрийлар ҳамда ҳарбий хизматчилар ўртасида «Миллий армия ёшлар қалбида садоқат, жасорат, матонат туйғуларини мустаҳкамловчи ҳаёт мактабидир» мавзусида давра суҳбати ўтказилди, тадбирнинг иккинчи қисмида ўқувчи ёшларга ҳарбий хизматчилар томонидан ташкил қилинган ўқув жойларида қурол-яроғ, махсус анжомлар ҳамда турли вазиятларда қўлланиладиган аслаҳалар билан таништирилди.
Ўтказилган тадбирда Тўрткўл тумани ҳокимлиги, туман мудофаа ишлари бошқармаси ҳамда Ўзбекистон Ёшлар иттифоқининг Тўрткўл тумани кенгаши иштирок этди.
Изоҳ (0)