Интернет тармоғида муқаддам туман прокурори катта ёрдамчиси бўлиб ишлаган шахс пойтахт фуқароси ва «Туркистон» банки ходимларининг жиноят ишлари бўйича масалаларини «ҳал қилиб бериш»ни ваъда қилганлиги ҳақида хабар тарқалган. Шунингдек, материалда унинг 700 минг АҚШ долларини пора сифатида олганлиги қайд этилган, деб хабар беради Бош прокуратура матбуот хизмати.
Бош прокуратуранинг маълум қилишича, ҳозирги кунда юқоридаги ҳолат бўйича 2013 йилда ХОАТБ «Туркистон банк» ходимларига нисбатан Тошкент шаҳар прокуратураси томонидан тергов қилинган жиноят иши доирасида қўлланилган қамоққа олиш эҳтиёт чорасини ўзгартириб бериш учун 300 минг АҚШ долларини алдов ва ишончни суиистеъмол қилиш йўли билан олганлиги юзасидан бир гуруҳ шахсларга нисбатан жиноят иши бўйича тергов ҳаракатлари олиб борилмоқда.
Ушбу жиноят иши бўйича гумон қилинувчилар мансабдор шахслар ҳисобланмайди ва ҳеч қандай хизмат мавқейига эга эмас.
«Тошкент вилояти Нурафшон шаҳар прокуратурасининг иш юритувида прокуратура органларининг собиқ ходимларига нисбатан қўзғатилган жиноят иши мавжуд эмас. Тергов сири нуқтаи назаридан жиноят иши бўйича бошқа маълумотлар ҳозирда ошкор қилиниши мақсадга мувофиқ эмас», — дейилади хабарда.
Изоҳ (0)