Ўзбекистон тумани Яйпан шаҳарчасида истиқомат қилувчи фуқаро Ғозиев яшаш хонадонидаги экин майдонига 97 туп кўкнори гиёҳвандлик моддасини экиб етиштираётгани аниқланди ва далилий ашёлар билан қўлга олинди. Бу ҳақда «Дарё» мухбири Азизжон Эрматов хабар берди.
Фарғона вилояти ИИБ томонидан ўтказилаётган «Қорадори—2018» текор профилактик тадбирлари ўз натижасини бермоқда. Навбатдаги тезкор тадбир давомида вилоят ИИБ транспортда жамоат хавфсизлигини таъминлаш бошқармаси ходимлари фуқаро Ғозиев катта миқдордаги гиёҳвандлик моддаларини ўз уйида очиқдан-очиқ плантация шаклида етиштираётганини аниқлади.
Ҳозирда Ғозиевга нисбатан Жиноят кодексининг тегишли моддасига асосан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)