16 майнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев Вашингтонга келди. Америкалик болалар Шавкат Мирзиёевни ўзбекча калом билан кутиб олди.
2. Ким Чен Ин Дональд Трамп билан учрашувини бекор қилиши мумкин. АҚШ Давлат департаменти КХДРдан Ким Чен Ин ва Трампнинг учрашуви бекор қилиниши ҳақида билдиришнома олмаган.
3. Биржада доллар курси 8000 сўмдан пастлади. 2017 йил 5 сентябрь куни валюта либерализацияси бошланганидан буён доллар курси биржада биринчи марта 7996 сўмни ташкил этди.
4. Бош прокуратура туман прокурори ёрдамчисининг 700 минг доллар пора олгани ҳақидаги хабарни изоҳлади. Прокуратура аввал тарқалган хабарларнинг фақат 300 минг долларлик қисмини қисман тасдиқлади, қолган 400 минг ҳақида ҳозирча гап-сўз йўқ.
5. Қаҳрамон Орипов Тошкент шаҳар ҳокимининг биринчи ўринбосари лавозимига тайинланди. 50 ёшли Орипов салкам 10 йил «Асакабанк»ни бошқаргани билан танилган.
6. Ўзбекистонда ижтимоий тармоқда экстремистик ғояларни тарқатиш билан шуғулланган фуқаро жазога тортилди. У дастлаб қамалган эди, бироқ кейинроқ жазо ахлоқ тузатиш ишларига алмаштирилди.
7. Тошкентда барча автобусларга босқичма-босқич видеорегистратор ўрнатилади. 12 май куни «Тошшаҳартрансхизмат»нинг автобуси унинг олдида кутилмаганда пайдо бўлган Nexia сабаб ариққа ағдарилган эди.
8. Ўзбекистон терма жамоаси Меҳрибонлик уйлари ўртасидаги Жаҳон Чемпионатида ғолиб чиқди. Ўзбекистонликлар чорак финалда Непални 2:1, ярим финалда Бурунди 1:0 ҳисобида мағлуб этганди, финалда эса Покистон пенальтилар сериясида мағлуб этилди.
Изоҳ (0)