АҚШ океан ва атмосфера тадқиқотлари департаменти ҳамда Тинч океан шимоли-ғарбий миллий лабораторияси мутахассислари Атлантика тўфонлари кучларининг ғайритабиий ўсишини қайд этди. Тадқиқотчилар хулосасига кўра, бунинг асосий сабаби табиий иқлим цикли ҳисобланади. Тахминларга кўра, глобал исиш ҳам тўфонлар кучига ўз таъсирини ўтказмоқда, деб хабар беради EurekAlert.
Циклоннинг жадал суръатлар билан ўсишида унинг тезлиги 24 соат ичида соатига 36 километрга ошади. 2017 йилда бу каби ҳолатлар «Харви», «Ирма», «Хосе» ва «Мария» тўфонларида кузатилган.
Тадқиқотчилар сунъий йўлдошлар ёрдамида йиғилган сўнгги 30 йил ичидаги маълумотларни таҳлил қилиб, тўфонлардаги шамол тезлиги ҳозирда ўртача соатига 21 километрни ташкил этаётганини аниқлади. Бу аввалгига нисбатан бир соатга кўп демакдир. Ҳар ўн йилда ушбу кўрсаткич соатига 7 километрга ортиб борган.
Шамол тезлигига турли омиллар, жумладан, денгиз сатҳи юзасининг ҳарорати, намлик, йўналиш, шунингдек, океан юзасидаги иссиқлик таъсир қилади.
Изоҳ (0)