Россия президенти Владимир Путин Қозоғистон президенти Нурсултон Назарбоевнинг узоқни кўра билиши, шунингдек, бошқарувчилик қобилиятидан ҳайратда эканлигини билдирди. Бу ҳақда Россия президенти Қозоғистон телерадиокомплекси раҳбари Ерлан Бекхожинга берган интервьюсида маълум қилди, деб хабар беради «ТАСС».
«Тўғрисини айтганда, Нурсултон Абишевич Собиқ иттифоқ одами бўлсада доимо келажакка интилгани билан мени ҳайрон қолдириб келган ва ҳамон ҳайрон қолдиришни давом этмоқда», — дейди Путин.
Шунингдек, Путин Назарбоевнинг ишларни самарали ташкил этиш қобилиятини ҳам алоҳида таъкидлаб ўтди. «У ўз атрофига узоқни кўра билувчи ва самарали меҳнат қилувчи одамларни, шунингдек, кучли инсонларни тўплашдан қўрқмайди. Бу ҳар қандай кучли раҳбарнинг ўзига хос белгисидир», — дея қайд этади Путин.
Изоҳ (0)