Microsoft асосчиси Билл Гейтс апрель ойида Бостондаги Янги Англия тиббий журналининг анъанавий маърузасида ўтган асрда юз минглаб кишиларнинг ҳаётига нуқта қўйган эпидемиялардан бугунги кунда миллионлаб одамлар ҳалок бўлиши мумкинлигини айтди, деб ёзади Forbes.
«Доимий равишда янги патогенлар пайдо бўлаётгани, биотерроризм хавфи ошаётганини ҳисобга олганда ҳамда бир жойдан бошқа жойга бориш анча осонлашаётганини назарда тутган ҳолда, ўлимга олиб келувчи кенг пандемия эҳтимоли ҳам ўсмоқда, ва у бизнинг давримиздаёқ юз бериши мумкин», — деди Гейтс.
Гейтс жамоатчиликни бутун дунёда шунга ўхшаш офатлар олдини олиш бўйича тадбирларни биргаликда мувофиқлаштиришга чақирди ва бунинг учун барвақт аниқлаш тизими, янада мукаммалроқ илмий база ва тезкор жавоб қайтариш тизими талаб этилишини айтди.
Миллиардернинг фикрича, «дунё худди урушга тайёр армия каби глобал эпидемияга шай туриши керак». У, шунингдек, илк зарурият туғилган заҳоти касаллик тарқалишига қарши тезкор курашга ўргатувчи ҳарбийлар захира корпусини ва кўнгиллиларни ажратишга чақирди. Microsoft асосчиси ҳукуматга дори-дармон ишлаб чиқариш ва фармацевтика компанияси харажатларини компенсация қилиш ҳақида битимлар имзолашни, бундай дориларни тасдиқлаш ҳақидаги аризаларни кўриб чиқиш муддатини қисқартиришни тавсия қилди.
Изоҳ (0)