Исроилда ўз-ўзини ҳимоя қилиш учун суверен ҳуқуқ бор, ва АҚШ ушбу мамлакатнинг ўз ҳудудини ҳимоя қилишга қаратилган ҳар қандай хатти-ҳаракатларини қўллаб-қувватлайди. Оқ уй матбуот котиби Сара Сандерс Исроил ҳарбийларининг Сурия ҳудудига ҳужумларини шундай изоҳлади, деб ёзади «РБК».
Унинг фикрича, Эрон томонидан Исроилнинг Голан тепаликларидаги позициялари ракетадан ўққа тутилиши Эрон режимига ишониб бўлмаслигини яна бир бора кўрсатиб беради. «Бу АҚШ президенти Дональд Трамп Эрон ядро шартномасидан чиқиш ҳақида тўғри қарор қабул қилганининг яна бир исботидир», — деди Сандерс.
Аввалроқ Эроннинг Суриядаги қуролли кучлари Голан тепаликларидаги Исроил қўшинлари марраларига ракета ҳужумини уюштирган эди. Кейинроқ Исроил ҳарбийлари Суриядаги радиолокация қурилмасини йўқ қилгани маълум бўлди.
Изоҳ (0)