Венгрия пойтахти Будапешт шаҳри мэри Иштван Тарлош бошчилигидаги делегация Самарқандга ташриф буюрди. Бу ҳақда ЎзА хабар берди.
Вилоят ҳокими Туробжон Жўраев Венгрия делегациясига Самарқанднинг иқтисодий салоҳияти, туризм имкониятлари ҳақида маълумот берди. Самарқанд ва Будапешт шаҳарлари ўртасида савдо-иқтисодий, сайёҳлик ва бошқа соҳаларда ҳамкорликни кенгайтириш истиқболлари муҳокама қилинди.
– Венгрия халқи Ўзбекистоннинг тарихий шаҳарлари, хусусан, Самарқандни яхши билади, – дейди Иштван Тарлош. – Самарқанд тарихий ёдгорликларга бой, чиройли, бир сўз билан айтганда, туризмни янада ривожлантириш учун улкан имкониятларга эга шаҳар экан. Келажакда бу қадимий шаҳар билан яқин алоқалар ўрнатиш ниятидамиз.
Венгриялик меҳмонлар Самарқанд шаҳридаги тарихий-маданий ёдгорликларни томоша қилди.
Изоҳ (0)