Жорий йилнинг 5 май куни соат 22:40 ларда Хоразм вилояти Фавқулодда вазиятлар бошармасининг навбатчилик қисми «1050» қисқа рақамига Урганч шаҳрида яшовчи фуқаро томонидан мурожаат тушган. Бу ҳақда ФВВ матбуот хизмати хабар беради.
Фуқаро Р.С хонадони эшиги қулфланиб қолганлиги ҳамда ичкарида қолган онаси эшикни оча олмаслигини билдириб, ёрдам сўраб мурожаат қилган.
Қутқарув отряди зудлик билан кўрсатилган манзилга етиб бориб, махсус қутқарув асбоб-анжомлари ёрдамида эшикни очишга муваффақ бўлишиб онахонга ёрдам кўрсатишди.
Изоҳ (0)