Ўзбекистон Ташқи савдо вазирлиги ҳузуридаги «Ўзбекэкспертиза» акциядорлик жамияти томонидан Ўзбекистон ташқи иқтисодий товар номенклатураси асосида излаш дастури ва экспорт-импорт соҳаси вакиллари учун керакли маълумотларни ўз ичига олган Telegram-бот йўлга қўйилди. Бу ҳақда вазирлик ахборот хизмати хабар бермоқда.
«Биз замонавий технологиялар орқали мақсадли аудиториямиз билан ишимизни такомиллаштирмоқдамиз. Telegram-бот экспорт ва импорт учун зарур бўлган ҳужжатларни расмийлаштириш жараёнини енгиллаштиради. Мазкур бот бор-йўғи икки клик орқали товар номенклатураси асосида маҳсулот классификациясини топиш, шунингдек «Ўзбекэкспертиза» АЖ фаолияти ва хизматлари ҳақида керакли маълумот олиш имконини беради», — дея таъкидлайди акциядорлик жамияти бош директори Улуғбек Абдуғаниев.
Ушбу Telegram-бот ёрдамида ташқи иқтисодий фаолият иштирокчилари қуйидаги имкониятларга эга бўлади:- Товар номенклатураси кодлари ва номларини излаш учун керакли вақтни қисқартириш;
- «Ўзбекэкспертиза» АЖ вакилларига тўғридан-тўғри мурожаат қилиш;
- «Ўзбекэкспертиза» АЖ хизматларига онлайн-аризалардан фойдаланиш.
«Мазкур ботдан фойдаланиш учун Telegram мессенжери излаш қаторида @uzbekexpertiza_bot номини киритиш ва ботни «Start» буйруғи орқали ишга тушириш кифоя», — дейилади хабарда.
Изоҳ (0)