АҚШ Марказий разведка бошқармаси раҳбари вазифасини бажарувчи Жина Хаспел бошқарма раҳбари лавозимидан воз кечиши мумкин, деб ёзади «Газета.ru». Бу Оқ уйдаги қатор юқори мансабли шахслар унинг қийноқлардан фойдаланилган сўроқ қилиш дастуридаги иштироки юзасидан билдирган хавотир билан боғлиқ.
Washington Post манбаларига кўра, Хаспел бу Марказий разведка бошқармасининг ҳам, ўзининг ҳам обрўсига путур етказиши мумкин бўлган суд эшитувларидан қочишга ёрдам берадиган бўлса, лавозимдан воз кечишга қизиқиш билдирган.
Хабар берилишича, АҚШ президенти Дональд Трамп шундай вазият юзага келган бир пайтда Хаспелни қўллаб-қувватлашда давом этишга қарор қилган ва унинг ҳар қандай қарорини ёқлашини айтган.
Изоҳ (0)