Франция томони Суриядаги вазиятни тартибга солишда мамлакат президенти Башар Асаднинг ҳокимиятдан четлатилишини бошқа талаб қилиб туриб олмоқчи эмас. Бу ҳақда Франциянинг Россиядаги элчиси Сильви Берманн маълум қилди, деб ёзади «Газета.ru».
«Биз Сурия халқи номидан қарор қабул қилмаймиз, аммо Башар Асаднинг сўзсиз кетиши ҳақидаги талабни бошқа кўтармаймиз. Сурия миллий диалогининг Сочидаги конгрессида шаклланган ва БМТнинг Сурия бўйича махсус вакили томонидан маъқулланган ғоя янги конституцияни ишлаб чиқиш билан шуғулланадиган конституция қўмитасини шакллантиришни кўзда тутарди. Аммо, менимча, Сурия режими ҳозирча бу билан шуғуллангани йўқ», — деди Берманн.
Шунингдек, у Россия ва Франция томони Суриядаги вазиятни тартибга солиш бўйича устувор вазифалар борасида бир ёқадан бош чиқараётганини айтди. Бундай вазифалар, унинг сўзларига кўра, гуманитар ёрдам билан таъминлаш ва сиёсий ечимни қидиришдан иборат.
Изоҳ (0)