«Тошкент» автовокзалида 5 май куни «Тошкент—Бишкек—Тошкент» халқаро автобус қатновининг очилиши бўлиб ўтди. Мунтазам рейслар 7-майдан бошланади. Бу ҳақда Ўзбекистон автомобиль транспорти агентлиги ахборот хизмати маълум қилди.
Йўналиш узунлиги 601 километр бўлиб, йўлга 12 соат ва 40 дақиқа сарфланади. Йўл ҳақи 120 минг сўм ва тегишлича 1000 сом этиб белгиланган.
Жадвалда «Ғишткўприк» (Ўзбекистон), «Жибек Жоли» (Қозоғистон), «Супатай Ботир» (Қозоғистон) ва «Чалдевор» (Қирғизистон) постларидаги божхона ва чегара назоратидан ўтиш учун 30 дақиқадан вақт ҳам ажратилган.
Қирғизистон пойтахтидан автобуслар Бишкек шарқий автовокзалидан йўлга чиқади.
Қатновлар Ўзбекистон томонидан Mironshox Grand Trans МЧЖ (Фотон автобуслари, Хитой), Қирғизистон томонидан эса «Транс Союз-Азия»ОАЖ (Yutong атобуслари, Хитой) томонидан амалга оширилади.
Изоҳ (0)