Тошкент шаҳар ИИББ ходимларининг қидирувда бўлганларнинг оила аъзолари билан олиб борган тушунтириш ишларидан сўнг, диний-экстремистик оқимлар таъсирига тушиб қолиб, хорижга қочиб кетган икки нафар ўзбекистонлик аёл Ўзбекистонга қайтиб келди. Бу ҳақда шаҳар ИИББ матбуот хизмати хабар бермоқда.
«Зебо ва Раъно (исмлар ўзгартирилган) бугун давлатимизнинг инсонийлик ва бағрикенгликка асосланган сиёсати натижасида ўз юртига, қариндошлари ва яқинлари олдига қайтиб келганларидан бениҳоя хурсанд эканликларини билдириб ўтди», — дейилади ИИББ ахборотида.