«Оллоҳ кўз ёшлари» наркотик моддасини чегарада аниқлашнинг имкони йўқ. Бу ҳақда БМТнинг наркотик моддалар ва жиноятчиликка қарши курашиш бўйича бошқармасининг Марказий Осиё давлатлари учун дастури қўмитаси йиғилишида маълум қилинди, деб ёзади KNews.
Қайд этилишича, ушбу суюқ наркотик қиздирилганда қуюқлашади ва оқ моддага айланади.
« ‘Оллоҳ кўз ёшлари’ деб аталувчи суюқ героин афғон, тожик ва қирғиз чегарасидан ўтказилади. Тасаввур қилинг, шарбат ортилган фура келяпти. Унда 10 мингтага яқин бутилка бор. Ҳеч ким ҳар бир бутилкани очиб текширмайди. Агар машинани рентгендан ўтказилганида ҳам унинг ичидаги модда кўринмайди. Наркотик моддалар чегарадан контрабанда усулида олиб ўтилади. Жуда кам ҳолларда бундай ҳолатларга чегарачилар ҳам аралашади», — дейилади хабарда.
Ҳозирги кунда БМТнинг наркотик моддалар ва жиноятчиликка қарши курашиш бўйича бошқармаси Қирғизистонда бир нечта дастурлар бўйича иш олиб бормоқда. Келажакда шундай ишлар Ўзбекистон ва Тожикистонда ҳам олиб борилиши режалаштирилмоқда.
Изоҳ (0)