“Olloh ko‘z yoshlari” narkotik moddasini chegarada aniqlashning imkoni yo‘q. Bu haqda BMTning narkotik moddalar va jinoyatchilikka qarshi kurashish bo‘yicha boshqarmasining Markaziy Osiyo davlatlari uchun dasturi qo‘mitasi yig‘ilishida ma’lum qilindi, deb yozadi KNews.
Qayd etilishicha, ushbu suyuq narkotik qizdirilganda quyuqlashadi va oq moddaga aylanadi.
“ ‘Olloh ko‘z yoshlari” deb ataluvchi suyuq geroin afg‘on, tojik va qirg‘iz chegarasidan o‘tkaziladi. Tasavvur qiling, sharbat ortilgan fura kelyapti. Unda 10 mingtaga yaqin butilka bor. Hech kim har bir butilkani ochib tekshirmaydi. Agar mashinani rentgendan o‘tkazilganida ham uning ichidagi modda ko‘rinmaydi. Narkotik moddalar chegaradan kontrabanda usulida olib o‘tiladi. Juda kam hollarda bunday holatlarga chegarachilar ham aralashadi”, — deyiladi xabarda.
Hozirgi kunda BMTning narkotik moddalar va jinoyatchilikka qarshi kurashish bo‘yicha boshqarmasi Qirg‘izistonda bir nechta dasturlar bo‘yicha ish olib bormoqda. Kelajakda shunday ishlar O‘zbekiston va Tojikistonda ham olib borilishi rejalashtirilmoqda.
Izoh (0)