Туркманистон президенти Гурбангули Бердимуҳамедовнинг Ўзбекистонга ташрифи доирасида икки мамлакатнинг тегишли вазирликлари ва идоралари ўртасида турли соҳалардаги ҳамкорлик тўғрисидаги ҳужжатларни имзолаш маросими бўлиб ўтди. Бу ҳақда Ташқи савдо вазирлиги матбуот хизмати хабар берди.
17 та келишув доирасида Туркманистон ва Ўзбекистонда савдо уйларини ташкил этиш бўйича Ўзбекистон Ташқи савдо вазирлиги ҳамда Туркманистон Савдо ва ташқи иқтисодий алоқалар вазирлиги ўртасида битим имзоланди. Ушбу ҳужжат тадбиркорларга икки мамлакат ҳудудида савдо уйларини ташкил этишда кўмаклашишни назарда тутади.
«Туркманистонлик ишлаб чиқарувчиларнинг маҳсулотлари кўргазмаси ва бизнес-форум натижалари икки мамлакатлар ўртасидаги савдо-сотиқни кенгайтириш учун улкан имкониятларни тақдим этади. Савдо уйларининг очилиши савдо ҳажмини янада оширишга ёрдам бериб, Ўзбекистон ҳамда Туркманистон ишбилармон доиралари ўртасида алоқаларни ўрнатиш учун шароит яратади», — дейди ташқи савдо вазири Жамшид Хожаев.
Савдо уйлари маҳаллий харидорлар учун реклама майдончаси бўлиб хизмат қилади, чакана ва кичик улгуржи савдога йўл очади, маркетинг тадқиқотларини ўтказиш ва консалтинг хизматларини кўрсатишга имкон беради.
Изоҳ (0)