Самарқанд халқаро аэропортида «Домодедовo — Самарқанд» йўналишида учиб келган Ўзбекистон фуқароси «яшил» йўлак орқали тамаки маҳсулотлари партиясини ноқонуний олиб ўтмоқчи бўлганида қўлга олинди. Бу ҳақда Самарқанд вилояти Божхона бошқармаси матбуот хизмати хабар берди.
Фуқаро божхона назорати зонасидан ўтиш вақтида ўзига тегишли бўлган йўловчи божхона декларациясида ёзиб кўрсатмай, умумий қиймати 9 миллион 750 минг сўмлик 39 блок Parliament тамаки маҳсулотлари олиб ўтмоқчи бўлган.
Мазкур ҳолат бўйича суд ҳукмига кўра, ҳуқуқбузарга энг кам ойлик иш ҳақининг бир баравари миқдорида, яъни 172 240 сўм жарима жазоси тайинланди.
Шунингдек, ҳуқуқбузарлик ашёси сифатида олинган баҳоси 9 миллион 750 минг сўмлик тамаки маҳсулотларини йўқ қилиш бўйича суднинг қарори қабул қилинди.
Изоҳ (0)