«Россия экспорт маркази» ва Ўзбекистон Сув хўжалиги вазирлиги Ўзбекистонга земснаряд сотиб олишни муҳокама қилди. Бу ҳақда Россия экспорт марказининг Ўзбекистондаги ваколатхонаси раҳбари Дмитрий Прохоренкога асосланиб, Sputnik хабар берди.
«Биз вазирлик билан Челябинскдаги ностандарт машиналар заводидан асбоб-ускуна ва бир неча земснарядлар етказиб беришни муҳокама қилдик. Буюртманинг умумий қиймати 23—25 миллион долларни ташкил қилади», — деди Прохоренко.
Земснаряд – бу махсус ясалган кичик кема (баржа) бўлиб, улар сув ҳавзалари тубини чуқурлаштириш, сув остидан ер ва қум қазиб олишга мўлжалланган. Ўзбекистонда земснарядлардан каналлар ва дарёлар тубини чуқурлаштириш учун фойдаланиш режалаштирилшган.
Прохоренко айтишича, Россия экскаваторларини Ўзбекистонга етказиб бериш бўйича яна бир шартнома якуний босқичда кўриб чиқилмоқда.
«Катта ҳажмдаги техника Ивановодаги ‘КRAНЭКС’ гуруҳи томонидан етказиб берилади. Ҳозир бир ушбу лойиҳа учун кредит ажратилишини кутиб турибмиз», — дейди Прохоренко.
Эслатиб ўтамиз, ўтган йилнинг октябрида Россия экспорт маркази директори Пётр Фрадков Ўзбекистондаги лойиҳаларга миллиард долларгача кредит ажратиш режалаштирилганини хабар қилган эди.
Изоҳ (0)