2015 йилнинг 23 августида Бухоро вилоятининг Жондор туманида дунёга келган қиз фарзанд Ориповлар оиласига чексиз қувонч олиб келган эди. Бугун эса бутун оила олти ойдирки, Тошкентдаги гематология ва қон қуйиш илмий текшириш институтида даволанаётган, ҳаётга умид билан мўлтираб турган қора кўзнинг дарди билан курашади. Айни кунда Дилнура оқ қон ташхиси билан шифохонада 2017 йил 2 ноябрдан буён даволанмоқда.
«Келганимизда аҳволи оғир эди. Кўп бора кимё терапиясини олди. Иккинчи курс тугади. Учинчи курс кучли кимё терапия муолажаларини оляпти. Кўп бора қон қуйишди. Яна иккита курсимиз бор. Иккита курсдан кейин қўллаб-қувватлов курслари бошланади. Даволаниш муддати 2 йилни ташкил қилар экан.Бундан ташқари, қизим Дилнуранинг бошқа даволаниш курслари учун яна маблағ талаб этилади. Ҳозиргача кўп нарсамизни сотиб келдик. Катта миқдорда қарзга ботдик. Қариндошларимиздан, қўшниларимиздан 50 миллион қарзимиз мавжуд. Орада турмуш ўртоғим ҳам бетоб бўлиб қолиб, анча маблағ сарфланди. Дорилари жуда қиммат. Навбатда турган кимё терапия курслари муолажалари, дорилари учун жуда катта маблағ талаб этиларкан. Даволаниш ҳамда дори-дармонга имкониятимиз етмай анча қийналиб қолдик. Яхши инсонлардан холис моддий ёрдам беришларини ўтиниб сўрайман»,— дейди Дилнуранинг онаси.
Дилнуранинг оиласи унинг дори-дармонларига қариндошлардан пул сўраб, катта қарзга ботган. Ҳар ой ижарага ва Дилнуранинг даволаниши учун маблағ етишмай қоляпти.
Саховатпеша инсонлардан Дилнуранинг соғайиб кетишида имкон қадар ҳисса қўшишни сўраймиз!
Хайрия қилмоқчи бўлганлар учун керакли маълумотлар:
Пластик карта орқали: (Click, Payme) Дониёр Аллаев Агробанк: 8600-0417-4020-3261.
Хорижий давлатлардан ёрдам бермоқчи бўлганлар учун паспорт маълумотлари: Эргашева Нигора. АА 8662225 Онаси Нигора Эргашеванинг телефон рақами: +99890 960 61 83
Изоҳ (0)