Шавкат Мирзиёев 13 апрель куни Сирдарё вилоятига ташриф буюради

Ўзбекистон Президенти Шавкат Мирзиёевнинг 13 апрель, жума куни Сирдарё вилоятига ташрифи режалаштирилган. Бу ҳақда Президентнинг матбуот котиби Комил Алламжонов Facebook’даги саҳифасида маълум қилди.

Давлат раҳбари саноат корхоналари, маданият ва спорт мажмуалари билан танишиши, вилоят иқтисодиётини ривожлантириш, шаҳарлар ва йўллар инфратузилмасини яхшилаш бўйича янги вазифаларни белгилаб бериши кутилмоқда.