Ўзбекистон Президенти Шавкат Мирзиёев Озарбайжон президенти Илҳом Алиевни ушбу лавозимга қайта сайлангани муносабати билан табриклади. Бу ҳақда Ўзбекистон Президенти матбуот хизмати хабар берди.
Илҳом Алиев 11 апрель куни Озарбайжонда ўтказилган навбатдан ташқари президент сайловида ғолиб бўлди. Марказий сайлов комиссиясининг дастлабки маълумотларига кўра, у овозларнинг 86,09 фоизини қўлга киритган.
Мамлакатдаги бош давлат лавозими учун курашни 11 апрель куни саккиз нафар номзод олиб борди. Илҳом Алиевнинг номзоди ўзи раҳбарлик қиладиган ҳукмрон партия — «Ени Азербайжан» («Янги Озарбайжон») партиясидан илгари сурилди.
Изоҳ (0)